კრიპტოვალუტით გადახდების ავტომატიზაციის პროგრამამ TaxBit–მა განაცხადა, რომ მიიღო დაფინანსება ახალი ინვესტორებისგან — PayPal და Coinbase Ventures, ასევე არსებული მხარდამჭერისგან — Winklevoss Capital.
ფინტექის ერთ-ერთი მთავარი მოთამაშეების მიერ გაკეთებული ინვესტიციები ხელს უწყობს მათი მნიშვნელობის განმტკიცებას იმ საქმეში, რომელსაც პერსონალური პროგრამული უზრუნველყოფა ასრულებს კრიპტოვალუტის ფართო მიღებასთან დაკავშირებით, განაცხადა TaxBit–მა პრესრელიზში.
სოლტ ლეიკ სიტიში, იუტაში, ოსტინ ვუდვარდმა, ბობი კლეისონმა, ბრენდონ ვუდვარდმა და ჯასტინ ვუდვარდმა 2018 წელს დაარსეს სტარტაპი, რომელიც გთავაზობთ კრიპტოვალუტის გადასახადის გაანგარიშებასა და დაკავებას ინვესტორებისთვის, ბირჟებზე და საგადახდო მომსახურებებზე.
TaxBit–ის თანახმად, კომპანიის ინსტრუმენტები ხელს უწყობს ინვესტორების, აგრეთვე ბიზნესის და ბირჟების კრიპტოვალუტის გადასახადის შესაბამისობასთან დაკავშირებული ყველა ამოცანის ავტომატიზაციას. კომპანიის სერვისები, როგორიცაა TaxBit Enterprise და TaxBit Consumer მიზნად ისახავს კრიპტოვალუტის ოპერაციებზე გადასახადების გაანგარიშებისა და ანგარიშგების გამარტივებას.
PayPal კრიპტოვალუტების მიმოცვლის პროცესში ოქტომბერში ჩაერთო, რამაც PayPal საფულის მომხმარებლებს ისეთი კრიპტოვალუტების ყიდვა-გაყიდვის საშუალება მისცა, როგორიცაა Bitcoin და Ethereum. წელს კი მომხმარებელს შეეძლება კრიპტოვალუტის დახარჯვა ნებისმიერ სავაჭრო ობიექტში, რომელშიც გადახდაც PayPal-ით არის შესაძლებელი. ნოემბერში Ternio-ს აღმასრულებელმა დირექტორმა დენიელ გოლდმანმა PYMNTS-სთან ინტერვიუში თქვა, რომ კრიპტოვალუტით გადახდის ფორმა შესაძლოა გახდეს ნორმა მომდევნო წლების განმავლობაში.
წყარო: www.next.on.ge
