Apple Pay-ით ვებგვერდზე გადახდები
Apple Pay-ით ვებგვერდზე გადახდები
საქართველოს ბანკი აგრძელებს მომხმარებლებისთვის სიახლეების შეთავაზებას და ნერგავს კიდევ ერთ ახალ პროდუქტს - Apple Pay-ით  ვებ გვერდზე გადახდა. Apple Pay-ით  გადახდა შესაძლებელია მხოლოდ Apple- ის მოწყობილობებით, რისთვისაც აუცილებელია, Safari web browser -დან მოხდეს გვერდის გახსნა. აღნიშნული ფუნქციონალი  ითვალისწინებს ონლაინ გადახდებს, ბარათის მონაცემების შეყვანის გარეშე.  
გადახდის პროცესი წარიმართება შემდეგნაირად:
•  მერჩანტის გადახდის გვერდზე მომხმარებელს გამოუჩნდება Apple Pay- ს ღილაკი; 
•  მასზე დაჭერით გამოვა მომხმარებლის, წინასწარ, Apple ვოლეტში დამატებული ბარათების ჩამონათვალი;
•  ავტომატურად გამოჩნდება Apple ვოლეტში არჩეული ძირითადი ბარათი, თუმცა შესაძლებელია ნებისმიერი, ვოლეტში  დამატებული სხვა ბარათის არჩევაც;
•  გადახდის დადასტურება ხდება მარტივად თითის ანაბეჭდის ან Face ID-ს საშუალებით.

 

მერჩანტის მხრიდან, Apple Pay-ის ვებ გვერდზე ინტეგრაციის სურვილის შემთხვევაში, მომხმარებელმა ბანკს უნდა მიმართოს ქოლ ცენტრის საშუალებით,  ან დაუკავშირდეს მერჩანტებთან ურთიერთობის სამსახურს. ამის შემდეგ მოხდება საერთო შეთანხმების გაფორმება მერჩანტსა და ბანკს შორის,  რის შედეგადაც საქართველოს ბანკის შესაბამისი სამსახური მერჩანტს მიაწვდის ჩასატარებელი სამუშაოებისათვის საჭირო ეფლის დოკუმენტაციას / ინსტრუქციას და ბანკის უშუალო ჩართულობით მოხდება Apple Pay-ით ონლაინ გადახდების ინტეგრირება. 

ბლოგის სხვა თემები