უკან ქართული ფინტექ სტარტაპები ლონდონში ინვესტორებთან პრეზენტაციით წარსდგნენ

13 ივნისს, ქ. ლონდონში, ვესტმინსტერის ცენტრალურ დარბაზში ყოველწლიური ღონისძიება Startup Grind Europe გაიმართა. Startup Grind ეს არის სტარტაპებისა და მეწარმეების ხელშემწყობი საერთაშორისო ინიციატივა, რომელსაც ოფიციალურად მხარს უჭერს კომპანია Google. Startup Grind, მსოფლიოს მრავალ ქვეყანაში ადგილობრივი წარმომადგენლების საშუალებით რეგულარულად ატარებს სხვადასხვა აქტივობებს მეწარმეებსა და სტარტაპებს შორის გამოცდილების გაზიარებისა და კონტაქტების გაზიარების მიზნით. ლონდონმა კი Startup Grind-ის გლობალურ ღონისძიებას უმასპინძლა. ღონისძიების ფარგლებში გაიმართა სტარტაპების გამოფენა და კონფერენცია.

ღონისძიებაში მონაწილეობა მიიღო ქართული სტარტაპ ეკოსისტემის 25-მდე წარმომადგენელმა, მათ შორის Startup Grind Tbilisi-ს წარმომადგენლებმა და ფინტექ კომპანიებნა: Quickcash და Pulsar AI. ქართულ კომპანიებს საშუალება ჰქონდათ მონაწილეობა მიეღოთ სტარტაპების გამოფენაში და წარადგინეს საკუთარი პროექტები პოტენციური ინვესტორებისა და პარტნიორების წინაშე.

Quickcash - ეს არის „სტარტაპ საქართველოს” 2016 წლის ნაკადის გამარჯვებული, რომელმაც კონკურსის ფარგლებში 100,000 ლარის ინვესტიცია მოიპოვა. სტარტაპი ქმნის სერვისებს SME სეგმენტზე

Pulsar AI - ეს არის ქართული კომპანია, რომელიც ფინანსური ინსტიტუტებისათვის ხელოვნურ ინტელექტზე დაყრდნობილ მობილურ და ვებ პროექტებს ქმნის.