დეკემბრის ფინტექ სიახლეები

მსოფლიოს მასშტაბით განვითარებული ქვეყნები აგრძელებენ ფინტექ ინდუსტრიაში ფულის დაბანდებას. 2021 წელს ამ მიმართულებით გამორჩეული სინგაპური იყო, სადაც ჯამურად ფინანსურ ტექნოლოგიებში ინვესტირებულმა თანხამ $3 მილიარდი შეადგინა. შედეგად ქვეყანა ფინტექებისთვის ერთ-ერთ უმსხვილესი ვენჩურული ფონდების თავშესაყარი გახდა. სინგაპურის გარდა დაფინანსება გაზრდილია აშშ-სა და დიდ ბრიტანეთში. Tech Crunch-ის ინფორმაციით, ყველაზე მეტად აზიის შედარებით მცირე სახელმწიფოები ლიდერობენ, რაც მოსახლეობის ინოვაციების მიმართ მაღალ მიმღებლობას უკავშირდება.

დიდ ბრიტანეთში ღია ბანკის წესებში ცვლილება შევიდა. Verdict-ის ინფორმაციით, აქამდე ე.წ "90 დღიანი წესები" მოქმედებდა, რომლის მიხედვითაც მომხმარებელს მონაცემებზე წვდომა ყოველ 90 დღეში უნდა განეხორციელებინა. ცვლილების შედეგად ფინტექის user-ებს მხოლოდ 1-ხელ დასჭირდებათ ინფორმაციაზე წვდომის ნებართვის გაცემა.

LSEG (The London Stock Exchange Group)-მა ფინანსური სერვისების პროვაიდერი Quantile Group $364 მილიონად შეიძინა. Fintech News-ის მიხედვით, შერწყმა საბოლოოდ 2022 წელს დასრულდება. კომპანიის განცხადების მიხედვით, Quantile Group-ის ტექნოლოგიის დახმარებით ე.წ Post Trade რისკი მნიშვნელოვნად შემცირდება. Quantile ამჟამად ბანკებს, ჰეჯ ფონდებსა და საფინანსო ინსტიტუტებს უწევს სერვისს. 2015 წელს შექმნილი კომპანიის ერთ-ერთი თანადამფუძნებელი სტივენ ო'კონორია.

Klarna და GoCardless პარტნიორები გახდნენ. თანამშრომლობის შედეგად ამერიკის შეერთებული შტატების ბაზარზე 21 მილიონამდე მომხმარებელი Klarna-ს სერვისს საკრედიტო ბარათის მეშვეობით გამოიყენებს. GoCardless გადახდის 4 სხვადასხვა შესაძლებლობას მისცემს მომხმარებლებს. Fintechnews-ის მიხედვით GoCardless აშშ-ის ბაზარზე 2019 წელს შევიდა, კომპანია გეგმავს, რომ გუნდის წევრების რაოდენობა ამერიკის ბაზარზე 125%-ით გაზარდოს.

ინდური ფინტექის, Razorpay-ს საბაზრო ღირებულებამ $7.5 მილიარდს მიაღწია. TechCrunch-ის მიხედვით სტარტაპი გადახდების პროცესების მართვაში ლიდერია ინდოეთის ბაზარზე. ჯამში კომპანიის მიერ მოზიდული ინვესტიცია უკვე $375 მილიონს აჭარბებს. არსებული ინვესტორების სიაში კი შემდეგი ორგანიზაციები შედიან: Tiger Global, Sequoia Capital India, GIC და Y Combinator. ამჟამად Razorpay მცირე და საშუალო ბიზნესისთვის საგადახდო მომსახურების პროვაიდერია, რომელიც საერთაშორისო გადახდებშიც იღებს მონაწილეობას და მომხმარებელს საშუალებას აძლევს, გადარიცხვები 90-ზე მეტ ვალუტაში განახორციელოს.




ბლოგის სხვა თემები

Ambry - სტარტაპი, რომელიც კრიპტოვალუტის სანდოობას უზრუნველყოფს

კრიპტოვალუტა - ეს ის თემაა, რომელიც დღითი დღე სულ უფრო პოპულარული ხდება როგორც მსოფლიოში, ისე - საქართველოში. ეს ციფრული ვალუტა კი შედარებით მეტ უსაფრთხოებას და გარანტიებს მოითხოვს, ვიდრე ტრადიციული ფულის ფორმა. სწორედ ამ უსაფრთხოების უზრუნველსაყოფად რამდენიმე თვის წინ Ambry შეიქმნა. იმის შესახებ, თუ რა არის მისი მისია, რა პრობლემას წყვეტს და როგორ აპირებს საქმიანობის განვითარებას Ambry, სტარტაპის თანადამფუძნებელი, ლუკა ლომსაძე გვიყვება:

გაიგე მეტი

ფინტექ პროგნოზები 2022 წლისთვის

ხელოვნური ინტელექტის ფინანსურ ინსტიტუტებში ინტეგრირება არც თუ ისე მარტივად ხდებოდა პანდემიამდე. თუმცა, სახლში ყოფნის აუცილებლობამ ეს პროცესი მნიშვნელოვნად დააჩქარა. ფინანსური ინსტიტუტები და მათი პარტნიორები ვალდებულები გახდნენ, საბანკო სერვისების ავტომატიზირებაზე ეზრუნათ და ისინი მომხმარებელზე უფრო მეტად ორიენტირებული გაეხადათ.

გაიგე მეტი

რა უნდა ვიცოდეთ Messenger-ის ახალი ფუნქციის შესახებ?

მეგობრებთან ერთად სავახშმოდ წასვლას, თუნდაც მოგზაურობას, ან სულაც თანამშრომლისთვის დაბადების დღის საჩუქრის გუნდურად შეძენას ერთობლივი დანახარჯები თან სდევს ხოლმე. სწორედ ამის გამარტივებას უწყობს ხელს Messenger-ის ახალი, გადასახადების გაყოფის ფუნქცია, რომლის შესახებაც Meta-მ რამდენიმე დღის წინ დააანონსა.

გაიგე მეტი

× გამოიწერე სიახლეები
გაიგე მეტი ფინტექ სიახლეებზე, გაეცანი ბლოგებს, სტატიებს და დაესწარი პანელურ დისკუსიებს, სემინარებსა თუ ღონისძიებებს
×