Payze, Kernel, Pulsar AI: საქართველოდან საერთაშორისო ბაზარზე

ბოლო წლების განმავლობაში საქართველოში მნიშვნელოვნად ვითარდება სტარტაპ ეკოსისტემა. ქართულმა სტარტაპებმა უკვე შეძლეს, თავიანთი სერვისები არამხოლოდ ლოკალურად შეეთავაზებინათ მომხმარებლებისთვის, არამედ – გლობალურადაც.

თუ გაინტერესებთ სტარტაპის საერთაშორისო ბაზარზე გასვლის პროცესი, მასთან დაკავშირებული სირთულეები და მოულოდნელობები, სწორ დროს სწორ ადგილას აღმოჩენის გზა, სტარტაპ გრაინდის მორიგი Fireside Chat პანელური დისკუსია პასუხების მიღების შანსია.

პანელზე 3 წარმატებული ქართული სტარტაპი წარდგება:

Payze – ქართულ და უზბეკურ ბაზრებს სთავაზობს ულიმიტო საშუალებებს ონლაინ გადახდების მისაღებად;

Kernel – მეწარმეების ცხოვრებას მოქნილი ფინანსური ხელსაწყოების დახმარებით ამარტივებს როგორც საქართველოში, ისე ინდოეთსა და ფილიპინებში;

Pulsar AI – ხელოვნური ინტელექტის მიმართულებით კვლევასა და ტექნოლოგიების განვითარებაზე მუშაობს ამერიკაში.

ღონისძიება გაიმართება ტერმინალში (მისამართი: 34. ი. აბაშიძის ქუჩა, თბილისი 0179). დასასწრებად სავალდებულოა წინასწარ რეგისტრაცია: www.startupgrind.com/e/mjnxb9