DataFest Tbilisi არის პირველი ყოველწლიური საერთაშორისო ღონისძიება მონაცემებისა და კომუნიკაციების შესახებ სამხრეთ კავკასიაში, რომელიც თავს უყრის ჟურნალისტებს, მარკეტინგის სპეციალისტებს, ბიზნესის წარმომადგენლებს, სამოქალაქო აქტივისტებს, მთავრობის წარმომადგენლებს, მონაცემთა ანალიტიკოსებს, დეველოპერებს და დიზაინერებს, რომლებიც უკვე მუშაობენ ან სურვილი აქვთ, მომავალში იმუშაონ მონაცემებზე.

DataFest Tbilisi 2018 გაიმართა 7-9 ნოემბერს. ფესტივალმა უმასპინძლა 500-ზე მეტ მონაწილეს და დაფარა შემდეგი თემები:

• მონაცემების კომუნიკაციაში დიზაინის გამოყენება;
• მონაცემთა ჟურნალისტიკა;
• ფინანსური მონაცემები და ტექნოლოგიები;
• მონაცემების გამოყენება პოლიტიკასა და მმართველობაში;
• კიბერუსაფრთხოება და მონაცემები;
• ხელოვნური ინტელექტი და მონაცემთა მეცნიერება;
• მონაცემების გამოყენება ბიზნესსა და მარკეტინგში.

DataFest Tbilisi 2018 სამ დღეს გაგრძელდა:

დღე I :
საერთაშორისო და ადგილობრივი სპიკერების 20-წუთიანი გამოსვლები;

დღე II :
პარალელური პრაქტიკული ვორქშოპები და სემინარები;

დღე III :
დატატონები (მინი-ჰაკათონები) მონაცემების შეგროვების, დამუშავებისა და კომუნიკაციის თემაზე.

BOG Fintech-ის მხარდაჭერით, ღონისძიებაშ მონაწილეობა მიიღო TransferWise-ის მონაცემთა ანალიტიკოსმა, ედგარ ილვესმა. ვორქშოპების ნაწილში კი მონაწილეებისთვის ფუნქციონირებდა Fintech Room.

დეტალური ინფორმაციისათვის ეწვიეთ ვებ გვერდს www.datafest.ge