ჩვენ შესახებ

BOG ფინტექი ეს არის საქართველოს ბანკის ახალი სტრატეგიული მიმართულება, რომელიც ღია ბანკინგის (Open Banking) სტრატეგიის დანერგვის ფარგლებში შეიქმნა.

ღია ბანკინგი (open banking) მსოფლიოს წამყვანი ბანკებისა და საფინანსო სექტორის სხვა მონაწილეთა ერთობლივი ინიციატივაა, რომელიც მიზნად ისახავს საბანკო მომსახურების პროცესში ახალი ტიპის ტექნოლოგიური კომპანიების, ე.წ. ფინტექ სტარტაპების ჩართვის ხელშეწყობას და ამ გზით მომხმარებლებისთვის მომსახურების მრავალფეროვანი არჩევანის შექმნას. საქართველოს ბანკი პირველია როგორც საქართველოში, ისე რეგიონში, ვინც ღია ბანკინგის საკუთარი პროგრამა წარადგინა.

ღია ბანკინგის კონცეფციის დასანერგად საქართველოს ბანკი ქმნის ფინტექ პროგრამას, რომელიც მოიცავს:

1. საქართველოში ფინტექ ქომუნითის განვითარების ხელშეწყობას;

2. ფინტექ სტარტაპების მხარდაჭერას მზა API სერვისებით, რომელიც ეტაპობრივად განვითარდება და დაიხვეწება;

3. ჰაკათონებისა და სხვადასხვა ფორმატის კონკურსებით საქართველოში საუკეთესო ფინტექ სტარტაპების იდენტიფიცირებას და მათ მხარდაჭერას როგორც გრანტით, ისე შესაბამისი მიმართულების სპეციალისტთა კონსულტაციებით.