ჯილ ებანოიძე Booking.com-ის გადახდების ფინანსური ხელმძღვანელი გახდა

ჯილ ებანოიძე უკვე 12 წელია ამსტერდამში ცხოვრობს. როგორც თავად გვიყვება, მაგისტრატურა სწორედ ნიდერლანდებში, მაასტრიხტის უნივერსიტეტში დაამთავრა. სულ ცოტა ხნის წინ ის Booking.com-ის გადახდების ფინანსური ხელმძღვანელი (Director of payments) გახდა, რაც პლატფორმის რეორგანიზაციის პერიოდში არაერთ მნიშვნელოვან და საპასუხისმგებლო მოვალეობას მოიცავს. თუმცა, Booking-ამდე იყო 10 წლიანი გამოცდილება Ebay-ში, სადაც ის გლობალური ფინანსების ჯგუფში მუშაობდა და რამდენიმე ათეული სახელმწიფოს ბაზართან ურთიერთობა ჰქონდა ჩაბარებული.

„თითოეული ქვეყნის მოქალაქეს იმ საგადახდო საშუალებით სურს სარგებლობა, რომელიც მისთვის ნაცნობია. ჩვენ სწორედ ამაში ვუწყობდით ადამიანებს ხელს და საკმაოდ დიდი მოცულობის სამუშაოსაც ვასრულებდით. ამ მიმართლებით ფაქტობრივად Ebay-ს მთელი შემოსავლები და ფინანსური მხარე მქონდა ჩაბარებული. სხვადასხვა Market Place-ბთან, საგადახდო კომპანიებთან და ფინტექებთან ურთიერთობა ჩვენი ყოველდღიურობის ნაწილი იყო“ – გვიყვება ჯილი.

როგორც ჩანს, Booking.com, რომელიც 1.4 მილიონ სასტუმროს აერთიანებს და ერთ-ერთი ყველაზე ცნობილი პლატფორმაა მსოფლიოში, სწორედ ამიტომ დაინტერესდა მისი კანდიდატურით. როგორც ჯილი გვიყვება, პანდემიამ მომხმარებელი გაცილებით უფრო მომთხოვნი გახადა, ამან კი კომპანიებს არაორდინალური ნაბიჯების გადადგმისკენ უბიძგა.

„ადამიანებს აღარ სურთ რამდენიმე პლატფორმით სარგებლობა, უნდათ რომ ერთ სივრცეში მიიღონ ყველა სახის მომსახურება. ფაქტობრივად, ზღვარი წაშლილია ტექ.კომპანიების საქმიანობაში, Booking-იც ამ მიმართულებით ვითარდება და საკუთარი ქვე-ბრენდებისთვის ფინანსურ ტექნოლოგიებს ხვეწს, რათა გადახდების გადამუშავება თავად მოახდინოს. მეც ამ მიმართულების დახვეწაში დავეხმარები კომპანიას. ისეთი კომპანიები, როგორიც Facebook და Google-ია, ძალიან აქტიურად ქმნიან არაპროფილურ პროდუქტებს. ახალგაზრდა მომხმარებლების წილი პორტფელში ნელ-ნელა იზრდება, სწორედ მათ გამო იცვლებიან ორგანიზაციებიც. მსგავსი ტიპის ექსპერიმენტებშია მომავალის გასაღები და ვინც უფრო სწრაფად დანერგავს სიახლეებს, ის იქნება გამარჯვებული“ – ამბობს ჯილი.

გადახდები და ფინტექ მომსახურება ცხადია მარეგულირებლისგან ლიცენზიის მიღებას გულისხმობს. ჯილი აქაც ერთ-ერთ გადამწყვეტ როლს ითამაშებს როგორც ლიცენზიის მიღების, ისე ე.წ maintenance-ის ნაწილშიც.

„ჯამში 4 ლიცენზია გვექნება: ევროკავშირის ბაზრებისთვის, დიდი ბრიტანეთისთვის, აშშ-ისთვის და სინგაპურისთვის, რითიც შევძლებთ და მთელს მსოფლიოს დავფარავთ. ეს პროცესი ჯერ კიდევ წლების წინ დაიწყო, თუმცა სამომავლოდ მისი მონიტორინგი აუცილებელი იქნება. ამისთვის სპეციალურ გუნდს ვაყალიბებთ, რაშიც აქტიურად ვარ ჩართული.  შეჯამებისთვის, ჩემი საქმიანობა ოპერაციული სტრატეგიის შემუშავება, მისი მენეჯმენტი და მარეგულირებლებთან ურთიერთობა იქნება“ – ამბობს ჯილი

როგორც თავად გვიყვება, ძალიან უყვარს 0-დან რაღაცის შექმნა და სწორედ ამიტომ დათანხმდა Booking-ის შეთავაზებასაც. ჯილი მომდევნო 2-3 წლის განმავლობაში გუნდისა და პროდუქტის შექმნაში დიდი ენერგიის დახარჯვას აპირებს რაც ცხადია, ექსპერიმენტებსაც მოიცავს.

ჩვენს კითხვაზე, როგორ აფასებს საქართველოს სტარტაპ და ფინტექ ეკოსისტემას ასე გვპასუხობს:

„მართალია საქართველოსთან საქმიანი შეხება დიდი ხანია აღარ მაქვს, თუმცა მუდმივი კავშირი ქვეყანასთან არასდროს გამიწყვეტია. საქართველო პატარა ბაზარია, ამიტომ დამწყებმა ანტრეპრენერებმა აუცილებლად გლობალური პროდუქტი უნდა შექმნან, რათა წარმატებას მიაღწიონ. საქართველოს გამოყენება საწყის, MVP (minimum viable product) ეტაპზე მისაღებია, თუმცა მისი სრულყოფილი Launch აუცილებლად გლობალურ ბაზრებზე უნდა მოხდეს.“ – ამბობს ჯილი

 

ავტორი: ლევან თაღიაშვილი

გამოიწერე სიახლეები

მიიღე ყოველკვირეული სიახლეები, ივენთები და შეთავაზებები

Related Posts

პანდემიის შედეგები საბანკო სფეროში – HSBC ფილიალებს ხურავს

ევროპის ყველაზე მსხვილი, ბრიტანული მრავალეროვნული საინვესტიციო ბანკი და ფინანსური მომსახურების ჰოლდინგი HSBC, 2021 წელს გეგმავს დახუროს 82 ფილიალი…
გაიგე მეტი

ერთი ბიტკოინის ფასმა $34 000-ს მიაღწია

ბედნიერი ახალი წელი გამოდგა ბიტკოინის მფლობელებისთვის, კვირას ერთი ბიტკოინის ღირებულებამ 34 000 დოლარს გადააჭარბა. ამის შესახებ Reuters წერს. კრიპტოვალუტამ…
გაიგე მეტი

კომპანია Stripe აზიაში გაფართოებას იწყებს

საგადასახადო კომპანია Stripe-მა აზიის ბაზარზე გაფართოება მას შემდეგ გადაწყვიტა, რაც 200 ახალი თანამშრომელი აიყვანა სამსახურში. აშშ–ში დაფუძნებულმა სტარტაპმა…
გაიგე მეტი
ჩვენ შესახებ

საქართველოს ბანკი ფინტექის ფარგლებში გაგაცნობთ ფინტექ და ტექნოლოგიური ინდუსტრიის წარმატებულ ადამიანებსა და კომპანიებს, რომლებიც ინოვაციურ პორდუქტებს ქმნიან და უმარტივებენ მომხმარებლებს ყოველდღიურ ცხოვრებას.

ასევე შემოგთავაზებთ საინტერესო პანელურ დისკუსიებს, სემინარებსა თუ სხვადასხვა ღონისძიებას, სადაც მარტივად შეძლებთ დასწრებას და XXI საუკუნის ახალი შესაძლებლობების პირადად აღმოჩენას
 
დაგვიკავშირდი

(+995 32) 2 444 444

გაგარინის ქ. 29ა, თბილისი

ჩვენ შესახებ

საქართველოს ბანკი ფინტექის ფარგლებში გაგაცნობთ ფინტექ და ტექნოლოგიური ინდუსტრიის წარმატებულ ადამიანებსა და კომპანიებს, რომლებიც ინოვაციურ პორდუქტებს ქმნიან და უმარტივებენ მომხმარებლებს ყოველდღიურ ცხოვრებას.

ასევე შემოგთავაზებთ საინტერესო პანელურ დისკუსიებს, სემინარებსა თუ სხვადასხვა ღონისძიებას, სადაც მარტივად შეძლებთ დასწრებას და XXI საუკუნის ახალი შესაძლებლობების პირადად აღმოჩენას



დაგვიკავშირდი

(+995 32) 2 444 444

გაგარინის ქ. 29ა, თბილისი

2022 საქართველოს ბანკი

მაქს. ზომა - 5MB, ფორმატი: PNG/JPG/SVG

 

This site is registered on wpml.org as a development site.