ფინტექს ფინანსური მომსახურების ინდუსტრიაზე მთელი მსოფლიოს მასშტაბით დიდი გავლენა აქვს, თუმცა, განსაკუთრებით დიდი გავლენა მან განვითარებად ბაზრებზე იქონია. ამ სტატიაში განვიხილავთ ფინტექის უპირატესობებსა და გამოწვევებს განვითარებად ბაზრებზე, ასევე როგორ ცვლის ეს ტექნოლოგია ფინანსურ ლანდშაფტს.
ფინტექის შესაძლებლობები განვითარებად ბაზრებზე
სწორედ იმიტომ, რომ განვითარებად ქვეყნებში საბანკო სერვისებზე წვდომა შედარებით დაბალია, განვითარებადი ბაზრები წარმოადგენს მნიშვნელოვან შესაძლებლობას ფინტექ კომპანიებისთვის. ხოლო თუკი ამგვარი ბაზრებისთვის ტრადიციული ფინანსური სერვისები ხელმისაწვდომია, ისინი შედარებით ძვირია ხოლმე. აქედან გამომდინარე, ფინტექ კომპანიებს შეუძლიათ, გახადონ ფინანსური სერვისები უფრო ხელმისაწვდომი ამ ბაზრებისთვის.
კიდევ ერთი დადებითი, რაც ფინტექმა განვითარებად ბაზრებს შეიძლება, მოუტანოს, არის მობილური გადახდები. ეს კი იმიტომ, რომ ამგვარი ქვეყნების მოსახლეობის დიდ ნაწილს აქვს წვდომა მობილურ ტელეფონებზე, მაგრამ არა – ტრადიციულ საბანკო სერვისებზე.
განვითარებად ბაზრებს ახასიათებთ კიდევ ერთი რამ – აქ ტრადიციულ ფინანსურ ინსტიტუტებს ნაკლებად ენდობიან. სწორედ ამიტომ, განიხილავენ, რომ მსგავს ბაზრებზე ბლოკჩეინის ტექნოლოგია განვითარდება, რადგან ის შესაძლებლობას მისცემს მოსახლეობას, პროცესებს გამჭვირვალედ ადევნონ თვალი.
ფინტექ გამოწვევები განვითარებად ბაზარზე
მიუხედავად იმისა, რომ განვითარებადი ბაზრები, ერთი შეხედვით, ფინტექისთვის მნიშვნელოვან შესაძლებლობებს ქმნიან, არსებობს გამოწვევებიც – მაგალითად, რეგულაციების დაცვა.
ბევრ განვითარებადი ქვეყნის ბაზარს აქვს რთული და ცვალებადი მარეგულირებელი გარემო, რამაც შეიძლება გაართულოს ფინტექ კომპანიების შესვლა. იმისთვის, რომ მათი პროდუქტები და სერვისები შეესაბამებოდეს ადგილობრივ კანონებსა და რეგულაციებს, ფინტექ კომპანიებს მოუწევთ მჭიდრო თანამშრომლობა მარეგულირებელებთან.
კიდევ ერთი პრობლემა, რომელსაც ბევრი განვითარებადი ქვეყნის ბაზარი აწყდება, არის ინფრასტრუქტურის ნაკლებობა. ხშირად, ფინტექ სერვისების მხარდასაჭერად საჭირო ინფრასტრუქტურა, როგორიცაა, სანდო ინტერნეტ კავშირი და ციფრული იდენტიფიკაციის სისტემები, რაც ჯერ კიდევ მიუწვდომელია.
განვითარებადი ბაზრების პერსპექტივიდან ასევე მნიშვნელოვანია შევხედოთ ფინტექ სტარტაპების ეკოსისტემასაც. თუ გსურთ მეტი გაიგოთ ამ საკითხებთან დაკავშირებით, არა მხოლდო სხვა ქვეყნების, არამედ საქართველოს ჭრილშიც, 6 აპრილს, რესპუბლიკაში Startup Grind სწორედ ამ თემაზე გამართავს მორიგ შეხვედრას, რომელზეც ცნობილი ქართველი VC – ლევან შალამბერიძე ისაუბრებს.
უპირველეს ყოვლისა, მოწვეული სპიკერი განიხილავს ფინტექ ინდუსტრიას საქართველოში და ასევე იმას, თუ როგორ შეიძლება საქართველო ფინტექ ჰაბი გახდეს რეგიონისთვის.
შეხვედრაზე ფინტექ გამომწერებისთვის 50%-იანი ფასდაკლება მოქმედებს, შეთავაზების გასააქტიურებლად დარეგისტრირდით ბმულზე
