PRODACT Community – ასე ეწოდება გუნდს, რომლის მიზანიცაა გააერთიანოს ადამიანები, რომლებიც ყოველდღიურად ქმნიან ციფრულ და ტექნოლოგიურ პროდუქტებს; მათ შორის არიან: დიზაინერები, დეველოპერები და პროდუქტის მენეჯერები.
აქვე უნდა აღვნიშნოთ, რომ Prodact-ი Noxtton Group-ის შემადგენელი ნაწილია, რომელიც ციფრულ და ტექნოლოგიურ პროდუქტებზე მომუშავე გუნდებს აერთიანებს.
აუცილებლად უნდა ითქვას ისიც, რომ Prodact Community-ს წევრობა შეუძლია ნებისმიერ ადამიანს, რომელსაც ტექნოლოგიური პროდუქტები აინტერესებს.
ცოტა ხნის წინ Prodact Community-ს პარტნიორი საქართველოს ბანკი გახდა. სწორედ ამ პარტნიორობის ფარგლებში რამდენიმე Meet-up ჩატარდება. პირველი Meet-up კი 8 მაისს გაიმართება ტერმინალის სამუშაო სივრცეში. შეხვედრაზე საქართველოს ბანკისა და Veli.Store-ის წარმომადგენლები ისაუბრებენ ისეთ თემაზე, როგორიცაა: მონაცემთა მნიშვნელობა პროდუქტის მარკეტინგსა და მენეჯმენტში.
გარდა ამისა, შეხვედრის ფარგლებში ციფრული პროდუქტების მენეჯერები და მარკეტერები ისაუბრებენ იმაზეც, თუ რა როლს ასრულებს მონაცემები მათ ყოველდღიურ ცხოვრებაში და როგორ ეხმარებათ პროდუქტის განვითარებაში.
პანელური დისკუსიის მიმდინარეობისას კი, უფრო დეტალურად იქნება განხილული, თუ რა გზას გადის მონაცემები შეგროვებიდან საბოლოო ვიზუალიზაციამდე და მომხმარებლისთვის უკეთესი პროდუქტის შეთავაზებამდე.
შეხვედრის სპიკერები იქნებიან:
გიორგი ვახტანგიშვილი – ციფრული ბანკინგის დეპარტამენტის დირექტორის მოადგილე, საქართველოს ბანკი
გიორგი ლომიძე – თანადამფუძნებელი და CEO, ProdAct Community
გიორგი ბერეჩიკიძე – ციფრული მარკეტინგის ხელმძღვანელი, Veli.Store
ხოლო პანელურ დისკუსიაში მონაწილეობას მიიღებენ:
თეო ზანგურაშვილი – თანადამფუძნებელი და CPO, ProdAct Community
დავით მჭედლური – დატა ინჟინერი, საქართველოს ბანკი
თეა ტურაშვილი – პროდუქტის მენეჯერი, EPAM
ინგა ნადარაია – გუნდის კაპიტანი, Bivision
აქვე გეტყვით, რომ 2023 წელს PRODACT Community 10 მითაფს უმასპინძლებს, რომლებზე დასწრების შესაძლებლობა ექნება PRODACT Community-ს წევრებს, მოწვეულ სტუმრებს და მითაფის თემით დაინტერესებულ ადამიანებს, დაელოდეთ სიახლეებს.
